Një 32-vjeçar me origjinë shqiptare, identiteti i të cilit nuk është bërë i dikur, ka humbur jetën pas një aksidenti të rëndë rrugor të ndodhur në orët e vona të pasdites në zonën Selva Piana të Mosciano Sant’Angelo, Itali.
Sipas raportimeve nga mediat italiane, mësohet se ngjarja ka ndodhur rreth orës 18:00, ndërsa makina Fiat Punto me të cilën po udhëtonte 32-vjeçari, në një kryqëzim, për arsye ende të pazbardhura, u përplas me një Audi A3 që drejtohej nga një djalë 25-vjeçar.
Me sinjalizimin e alarmit, Forcat e Zjarrfikësve nga Komanda Teramo kanë ndërhyrë dhe kanë bashkëpunuar me personelin mjekësor për t’i dhënë ndihmë drejtuesit të mjetit Fiat Punto, por i riu shqiptar pavarësisht masave reanimuese të marra, ka ndërruar jetë.
Nga ana tjetër, 25-vjeçari i cili drejtonte automjetin tjetër të përfshirë në aksident, mësohet se ka mbetur i plagosur dhe është transportuar në spital.
